Неше құда келеді
Құда нешеу болатыны өңір мен әулетке қарай әр түрлі; саны тақ болуы керек деп жиі айтады. Қонақтардан белгілі бір күнге дейін жауап беруді сұра: кабинетте кім келетінін және әр жақтан неше адам болатынын көресің.
ALA · Шақыру
Құдалыққа онлайн шақыру
Құдалық — екі әулеттің құда болып табысатын дастарқаны: танысады, құйрық-бауыр асатады, киіт кигізеді. Күйеу жігіт пен қалыңдықтың есімін, күні мен мекенжайын жаз да, сілтемені екі жаққа да жібер.
Осы түрге арналған үлгілер
- ҚоржынҚұдалар қоржыны
- ДастарқанШәйнек пен кесе
- Алма бақГүлдеген алма бағы
- АлтынБұрыштардағы өрнек
- ШаңырақКиіз үй
- КөкжиекАспан мен таулар
- СырласШалфей түсті конверт
- Асыл хатБордо түсті конверт
- Көк бақКөгілдір пиондар
- Нәзік гүлКалла мен нәзік гүлдер
- Ақ сәукелеСәукеле мен нәзік алтын
- Екі әріпІрі монограмма
Бұл түрге барлығы 41 үлгі — қалғандары конструктор кітапханасында. Конструкторды ашу →
Шақыруға не жазу керек
- Күйеу жігіт пен қалыңдықтың есімдерін — құдалық үшін конструкторда екі жол да толтырылады.
- Шақырушыларды: құдаларды күтетін отбасы. Шақыруда бұл жол «Шақырушылар» деп аталады.
- Күні, жиналатын уақыты және мекенжайы, картаға сілтемесімен: құдалар бұл үйге көбіне алғаш рет келеді.
- Бағдарламаны: құдаларды қарсы алу, танысу мен құйрық-бауыр асату, киіт кигізу, дастарқан мен тілектер — ретін өз әулетіңнің салтына қарай ауыстыруға болады.
- Жауап беру мерзімін: әр жақтан неше адам болатынын әдетте алдын ала келіседі.
Құдаларды екі жақ та күтсе
Кейде қонақтарды алдымен бір жақ, кейінірек екінші жақ күтеді. Әр кездесуге бөлек шақыру жаса: оның өз сілтемесі, өз мекенжайы және өз жауаптары болады.
Сілтемені кімге жіберу керек
Оны әр жақтан бір адамға берген ыңғайлы — ол өз туыстарына таратады. Шақыру беті іздеуде шықпайды: оны сілтемесі не QR-коды бар адам ғана аша алады.
Сұрақ-жауап
Құдалық деген не?
Құдалық — күйеу жігіт пен қалыңдықтың отбасылары ресми түрде құда болатын дастарқан. Салт бойынша құдаларға құйрық-бауыр асатады — оны жеген соң уәде бекіді деп саналады — және киіт кигізеді. Не сыйлайтынын, қай ретпен өткізетінін екі әулет өзі шешеді.
Құдалық пен құда түсудің айырмасы неде?
Құда түсу — күйеу жақтың қыздың үйіне келіп, қызды айттыруы. Құдалық — мағынасы кеңірек сөз: құда түсудің өзін де, құдалардың бас қосқан дастарқанын да солай атайды. Ауызекі тілде оларды көбіне ажыратпайды, ал шақыру екеуіне де жарайды.
Құдалыққа шақыру жасау үшін тіркелу керек пе?
Жоқ. Шақыруды тіркелусіз-ақ жасауға болады — ол осы браузерде сақталады. Тіркелсең, шақыру мен қонақтардың жауаптары аккаунтта қалады және кез келген құрылғыдан көрінеді, браузерді тазартсаң да жоғалмайды.
Шақыру қай тілде болады?
Қазақ не орыс тілінде — конструкторда таңдайсың. Құдалық шақыруында «той» сөзі қолданылмайды: «Той иелері» орнына «Шақырушылар», «Тойға дейін» орнына «Кездесуге дейін» деп жазылады.
Қалай дұрыс: «құдалық» па, әлде «кудалык» па?
Қазақша дұрыс жазылуы — «құдалық», яғни қ және ұ әріптерімен. Хат алмасуда және іздеуде оларды көбіне к мен у деп жазады: «кудалык», «кудалыкка шакыру». Бұл сол жиын, ал осы жердегі шақыру кез келген жазылуда бірдей жасалады. Латынша — qudalyq немесе kudalyk.
Басқа шақырулар
Үйлену тойыҚыз ұзатуСырға салуМерейтойТуған күнҚоныс тойАуызашарСүндет тойШілдеханаТұсаукесерБесік тойТілашарҚырқынан шығаруАс беру